LEFTER SHOMO - TANKA E HAJKU VJESHTE

 

LEFTER SHOMO

TANKA E HAJKU VJESHTE

Para se dimri

të ketë mbritur ,vjeshta

hap heshtjen e saj.

Shpërthim ngjyrash

e bukuri refleksesh

në fusha e male..

I ruan çdo vit vjeshta

për finalen e madhe.

Gjuhë të brishta

gjithandej thotë vjeshta

në gjethet e trishta.

Të gjitha vjeshtat

vizatojnë në gjethe

nga një perëndim..

Me të artën bukuri

bien shpesh në dashuri.

Vjeshtën kërkojnë

meloditë e verës...

me ngulm e me nge

që të gjejnë si zogjtë

veç të humburën fole.

Djalosh i bukur

mos shko te argjendari

Prit se vjen vjeshta

Në parqet e natyrës

aty do të gjesh arin.

Shoh gjatë vjeshtës ,

në stinën gjetheshkundur

Kudo rrinë e më flasin

t' gjitha sendet e bukur,

ah,sendet që kam humbur.

Kur pemët zhvishen,

haptas zbulojnë trupin..

Hardhi e virgjër

Ndrojtur i sheh mes syve

strukur,skuqet nga turpi.

Përpara ngjyrash,

të kuq,të verdhë,t' artë...

i thashë dimrit:

Nuk ka si kjo natyra..,

Të lutem prit edhe pak.

Nga trupi i saj

vjeshta rrëzon përtokë

gjethet e thata.

Si një zonjë e brishtë

që lehtas heq dorashkat.

Lefter ShomoK/ 51h.t.p.i