تیرے پچھے رلے سجناں
ہیرے کئی ان ملے سجناں
اک دوجے نوں مڑ ناں لبھے
انج دے جھکھڑ گھلے سجناں
سینہ میرا ساڑ دتا اے
ہجر دے تتے بلہے سجناں
توں کیہ جھلیا یوسف ورگے
اٹی سانویں تلے سجناں
تیریاں گلاں وچوں آون
خشبوواں دے ہلے۔ سجناں
تیریاں ہوٹھاں دے دروازے
ساری رات ناں کھلے سجناں
عشق دے اگے نچدے رہے نیں
گھنگھرو پا کے بلھے سجناں
ساون بدلا ں کیہ وسناں ایں
انج دے اتھرو ڈلہے سجناں
ویلے پیار پریتاں والے
یونس نوں ناں بھلے سجناں
Δεν υπάρχουν σχόλια:
Δημοσίευση σχολίου