خاباں دی تعبیر غریبی
ساہواں گل زنجیر غریبی
کھوہ نہ سگدے وڈ وڈیرے
ساڈی تاں جاگیر غریبی
اٹھے پاہر رجائی رکھدی
سانوں مرشد پیر غریبی
سفنے اندر کربل دسیا
سینے وجدے تیر غریبی
سوچاں سولی ٹنگی رکھدی
جثا دیندی چیر غریبی
یسو پنجو ہار کبوتر
رج رج کھیڈن ویر غریبی
سکھاں والے بت دے اندر
دکھاں دی تصویر غریبی
بندہ سولی ٹنگیا رہندا
جس دے گل زنجیر غریبی
قیصر رانجھا کسراں بنیا
ویکھی نہیں ناں ہیر غریبی
قیصروکیل قیصر بھٹہ
Δεν υπάρχουν σχόλια:
Δημοσίευση σχολίου