LEFTER SHOMO "SHKALLARËT E RINISË"

 LEFTER SHOMO

SHKALLARËT E RINISË

Vendin tim të shtrenjtë qafova

Rrugëve malluar ngela

Keqas kujtesat qortova

Të tradhtisë,rinisë bedela.

Me ethe rrugë shpirti ngjita

Pranë bangosh të mësimit

Pirgje mallimi përtypa

Lulëri të mallëngjimit.

Nëpër shtigje të rinjsh hyra

Dikur digjnin si kamini

Sot kujtim nxirë në tymra

Zvetënim,nuancë trishtimi.

E kujtoj mamanë te porta

O n' oborr më pret akoma

Të më ngopë puthjesh të ngrohta

Në faqe,duarve të njoma.

Punës babai i këputur

Më mbështjell krahëve me dhele

Pastaj nis xhepave futur

Të shpërndajë karamele.

Dashuri e miq kanë ikur

Anembanë mërguar botës

Bisqe të argjendtë vyshkur

Tani rrojnë n'erën e shqotës.

Shkova trojesh aq malluar

Që dikur i kam përfillur

Thuaj ishin t' akullzuar

Ato jashtë më kishin mbyllur.

Ëndrra kanë ngelur mitesh

Pa kuptuar larg nesh vanë

Çdo vegim parë prej vitesh Të rinisë shkallarë u thanë.

Rri me ngulm kujtesa ime Ëndërron si dje mot t'artë

Në gëzim,dhimbje dëfrime

N' ëndrra ndjell t' rinisë shkallarë.

Lefter ShomoK/48p.i.sh.