LEFTER SHOMO "JETA IME PRET NË PRAG"

 

LEFTER SHOMO

JETA IME PRET NË PRAG

Rrugë e malluar e shtëpisë time

Ja, kujtimet vijnë si shqota

Rrojnë këtu ëndrrat më intime

Dashuritë e mia, gjithë bota.

Udhë malli rrugica të lagjes

Udhëkryqe ëndrrash mbani lart

Symbyllur, posi këngë dalë vargjesh

Më udhëheqin drejt e në prag.

Herët nis më përshëndet këndezi

Nëna e drithëruar rri e pret në prag

Del e ligjëron ylli i mëngjesit

Hëna, dielli,iso rrinë mbajnë.

Ai lot i nënës ,i patharë

Kur gjithnjë me ankth pret në portal

Fjalë e puthje, mall i paparë

Bie lot i saj e vrima hap mbi shall.

Tatëpjeta marr e të përpjeta

Përshëndet dhe hëna buzagaz

Mbi çatinë time bien kometa

Bujarisht dhe qielli yje zbraz.

Fort ma pushton zemrën nostalgjia

Gjithë çapkënllëqet m'i përkëdhel

Shakatore vjen plot me gaz rinia

Gjallërisht pasionet m'i këndell.

Rrugë lagjeje të shtëpisë time

Bredhin ëndërrimet në rrugicë

O monopate, sokakë bekimesh

Nën çdo gurin tuaj ndjej muzikë.

Do vij prapë dhe pa më thirrur

Se jeta ime rri ,pret këtu në prag

Çdo shtëllungë pluhuri të ngritur

Qetë e shpërndaj me t' shpirtit fllad.

Lefter ShomoK /82 p.i.sh