LEFTER SHOMO " NJË PIKË SHIU MË TRADHTOI".

 

LEFTER SHOMO

NJË PIKË SHIU MË

TRADHTOI.

Me ritme muzike bie një shi

Prej kohe mirëpritur ,lakmuar

Në bulza e pullëza vetëtin

Etjen tek ne e në bimë për të shuar.

Shiu formon gjol e pikat vallëzojnë

Këndojnë mes tyre pëshpërijnë

Mjegullat e retë komplotojnë

Shtrëngatat në xhama pluhurat fshijnë.

Si puthja e jote ky shiu peshoka

Si në kopshtin tonë një fryt i ri

Unë jam shiu e ti më je toka

Binom në të dashurisë pasuri.

O pikël ruaje sekretin që di

Mbaje brenda si diamant me ndriçime

Ti dhe oqeaneve sekretet i di

Emrin mos ia përmend mikes time.

O ti pikëz mike që ke rënë taze

Mos më shpo si gurin,mos më njom si tokën

Si loti acid që më gërmon faqen,

Posi pijaniku që përmbys e kthen sofrën.

Një pikë shiu e marrë më tradhtoi

E fshehta e mirëbesimit u bë det

Vesh e mori shiu,emri tënd gjëmoi

Dhe çdo pikë shiu emrin tënd thërret.

Lefter ShomoK 33p.i.α.