LEFTER SHOMO " NË SHKALLARËT E VETMISË"

 

LEFTER SHOMO

NË SHKALLARËT

E VETMISË

Bija të një nëne fjalëpakë

Ju grahma zhytur në vetmi

Tinguj nga një kambanë e çarë

Heshtje në ar e maturi.

Prehje të pakta,heshtje të dlira

Me besë s'tradhtoni kurrë miq

Plot bujari tek mirësia

Gjakftohtë zgjidhni çdo habi

Memecëri,peshë rëndësie

Si të pagojë t' magjisë fëmijë,

T' ashpër në lodra tradhtie

Këngë memece pa ligjërim.

Nëpër shkallarët e vetmisë

Kredhur në mes të qetësisë

Heshtja më pa në mes të syve

Më rroku e fali përqafim.

Fjalët e thëna shumë të pakta

Si n'poezi një drejtpeshim

Si ligjërojnë heshtjet e arta

Shkruajnë sa malet një vëllim.

Heshtjet e urta kope me qengja

Flenë në të mirëkuptimit pllajë

Në të padrejtë kthehen në bisha

Të zemëratës bëhen fjalë.

Shkrij çdo pasion,huqet gabimet

Shkritores heshtje në furrnaltë

Po për të dashurisë parimet

Rebele klithma të miat fjalë.

Lefter ShomoK /61 p.i.α.