Migel Flor "Vals i natës"

 

Vals i natës Një vals i trishtuar pa krahë të bashkuar. Koka e kthyer poshtë, sytë drejtuar qiellit.. këmbët rrëshqasin mbi parket në melodinë e Vivaldit. Qafë mjelme e përkulur, larë në liqenin e Çajkovskit. Vals me një fantazmë, me një burrë që i ngjante Bukovskit, I egër me fytyrë të errët dhe duar të humbura në xhepa. E kam qiellin, e kam lumin, i kam retë që kalojnë pa më njohur, por ty të kërkoj ende në këtë vals mbrëmjeje të shkretë, ku muzika më mban gjallë dhe mungesa jote.. bëhet kavalier... Migel Flor