LEFTER SHOMO " HESHTJET FURRNALTË"

 

LEFTER SHOMO

HESHTJET FURRNALTË

Heshtjet fshehin brenda fjalë

Këngë ,ndjenja e pasione

Zemërake ngrenë valë

Hidhërim,gaz,ovacione.

Omerta shpallin krejt heshtjet

Sekrete mbajnë vulosur

Shokë e miq me marramendje

Urtësi,mendim pafolur.

Shpërthejnë shpesh këndojnë në kore

Si fruta piqen të pjekur

Si ushtarë jashtë llogoresh

Shpagim mundi kur ka gjetur.

Të pazëshmet kanë halle

Sepse tretin vrer e brenga

Çdo vëllim shkruar si male

Ku vetminë ka heshtja brenda.

Aty huqet shkrij, pasionet

Në mes heshtjes furrënaltë

Kur sundojnë emocionet

Çfardo heshtje bëhet flakë.

Këshilltare janë heshtjet

Shoqe t' arta miqësie

Aty shkrij tingujt e rreshtjes

Shqetësim gjakftohtësie.

Pllajës shpirtit flenë manarë

Paqtor zë me blegërima

Në t' padrejtë bëhen luanë

Heshtje bisha,heshtje klithma

Kapur dore ju më mbani

Drejt rrugicash erë vetmie

Insistim prej uragani

Në kllapi prej urtësie.

Lefter ShomoK/47 p.i.sh.